Hassle. Ang shift key ng computer. Hassle ang mga pinapatugtog habang nagbuburn ng CD. Hassle. Ang tiktak ng oras. Hassle ang lamig ng panahon. Dumadalas ang pag achoo. Hassle ang load. Hassle si Jhong aka Ungas dahil talaga namang hassle siya.

Hassle ang amoy ng pabango nung utaw na dumaan. Pero may alam akong mas hassle jan. Yung isang bantay na may BO. Di ba't hassle talaga yun in the merest sense of word? Hassle ang mga bandang nagsusulputan na ala-boyband ang package. Hassle ang mga utaw na nagaastig astigan na wala namang ika-aastig. Hassle ang mga nagpapalusot na huli naman sa akto. Hassle ang mga mapanlinlang na utaw. Pero ang lalong hassle: pag bankrupt ka na at wala ka ng magagawa kundi ang mang harbat na lang at mang iscam.

Hassle din pag di mo maintindihan ang binabasa mo. Hindi mo alam kung ikaw nga ba ang malabo o yung sumulat ng binabasa mo ang malabo. Hassle pag may kupal kang propesor. Hassle ang mga drayber ng jeep na parang nakikipaghabulan kay kamatayan, na kapag sinabayan ng mga kundoktor ng bus sa pagsigaw ng "Buni, Buni' imbes na "Boni, Boni", mapapailing ka na lang.

Hassle kapag dead air habang nasa talepano. Yung tipong hindi mo na alam yung sasabihin mo. Dahil natatakot ka na baka mali ang masabi mo at mapahiya ka lang. Pero mas hassle kapag may incoming call at alam mong dapat mo nang bitiwan yung talepano dahil gagamitin na ng iba. Ah, eto ang isa pa: pag busy tone.

Hassle kapag di mo maramdaman ang kasiyahan sa araw mo. Yung tipong kahit anong pilit ang gawin mo, di ka magiging masaya at uulanin ka lang ng matinding kalungkutan at wala kang magagawa kundi ang magpasukob dito. Hassle na kung kelan gusto mo nang lumimot, saka naman may darating na magpapaalala sa'yo ng mga dapat limutin. Hassle kapag di ka makalakad pasulong. Kesyo masakit ang binti mo o talagang di lang convincing ang rason para makalakad ka pasulong.

Nakakatawang  nakakinis ang mga ganyang sitwasyon. Parang gusto ko na lang silaban ang bawat hassle na dadaan. Pero naisip ko, lilipas din ang mga lintak na hassle na yan.